Iga Svyontek Dubayda muvaffaqiyatli start oldi

Sayyoramizning birinchi raqamli tennis malikasi Iga Svyontek musobaqadagi ishtirokini g'alaba bilan boshlab oldi. Polshalik tennischi ikkinchi davra bahsida WTA reytingida 41-o'rinni egallab turgan amerikalik Sloan Stivensni ikki setda ham bir xil hisobda taslim etdi - 6/4, 6/4.

Tennischilarning o'zaro uchrashuvlaridagi hisob 3:0 ko'rinishiga keldi. Bir daqiqasi kami 2 soatlik bahsda Svyontek 1 ta eys, 3 ta qo'shxato, 5 ta breyk qayd etdi.