IKA birinchi vice-prezidenti Hindiston kurash oilasi bilan uchrashdi

Tashrifning navbatdagi kunida janob Ikramov Hindiston Kurash associaciyasi mutassaddilari bilan birgalikda Dehli shahridagi Kurash mashg'ulotlarini borib ko'rdi.

Janob Ikramovga IKA vice-prezidenti, Hindiston Kurash associaciyasi Raisi Jagdish Tatler, IKA referi direktori Ravi Kapur, Hindiston kurash prezidenti Ramesh Pople, Bosh kotib Lal Singh, bosh g'aznachi Dharmendra Malhotra va O'zbekistonning Hindistondagi favqulodda va muxtor elchisi Dilshod Axatovlar hamrohlik qilishdi.

Dastlab, Dehli shahridagi Baba Gang Nath dzyudo-kurash akademiyasi va Apex kurash markazlariga tashrif buyurdi. Kurashchilarning mashg'ulotlarini kuzatdi. Etiborlisi, mazkur akademiyadan Osiyo o'yinlari kumush medali sovrindorlari Pinki Balxara etishib chiqqan.

O'zbekistonlik sport rasmiysi Hindiston klublarida kurash bo'yicha mashg'ulotlarni kuzatib, kurashga qiziquvchi yoshlarning ko'pligi, murabbiylarning mahoratini yuqori baholadi. Hindistonda kurash bo'yicha amalga oshirilayotgan ishlardan mamnunligi malum qildi.

Uchrashuv davomida janob Ikramov Baba Gang Nath va Apex akademiyasiga ikkita kurash gilami to'plami va 60 ta kurash yaktaklari berishi rejalashtirilayotganlini malum qildi. SHuningdek, Hindistonlik bir guruh sportchilar va murabbiylarni O'zbekistondagi eng yaxshi kurash mutaxassislari bilan hamkorlikda tajriba almashish Dasturini yo'lga qo'yishga kelishib olindi.