Ikkinchi raketkani mag'lub etgan Fomin finalga yo'l oldi

Mukofot jamg'armasi 15 000 AQSH dollarini tashkil etuvchi ushbu musobaqada hamyurtimiz Sergey Fomin ham muvaffaqiyatli odimlayapti. Biroz avval mamlakatimizning ikkinchi raketkasi ishtirokidagi 1/2 final uchrashuvi yakuniga etdi. Dunyoning 642-raketkasi bo'lib turgan Fomin turnirning ikkinchi raketkasi, ATP reytingida 507-pog'onada borayotgan rossiyalik Evgeniy Tyurnevga qarshi bahs olib bordi.  

Uch set davom etgan qiyin uchrashuvda Fomin kuchli raqibi ustidan irodali g'alabaga erishdi. Birinchi setni 3/6 hisobida boy bergan Sergey keyingi ikki setda 7/6(0), 6/4 hisoblarida zafar quchib, finalga yo'l oldi. 

ATP reytingida 642-pog'onadan joy olgan hamyurtimiz ertaga bosh sovrin uchun yana bir rus tennischisi Bekxan Atlangerievga qarshi kortga chiqadi. ATP reytingida 2066-o'rinda borayotgan Bekxan bugun turnirning 8-raketkasi, hindistonlik Karan Singhni 6/3, 6/4 hisobida taslim etdi.