Iroda To'laganova kichik orzusiga erishgani, bo'lajak o'yin va Toshkentda yana ATP yoki WTA turnirlari o'tkazilishi mumkinligi haqida gapirdi

Sobiq tennischi bo'lajak O'zbekiston - Polsha o'yini va boshqa mavzular haqida gapirdi.

- Polshaga qarshi o'yin oldidan tarkibimiz, imkoniyatlarimiz haqida nima deya olasiz?

"Men o'zimning kichik orzuim ushalganidan xursand ekanimni ayta olaman. Biz O'zbekistonda ilk bor "Humo arena"da tennis musobaqasi, "Devis kubogi" o'yinini o'tkazyapmiz. Bu biz uchun, tennis uchun juda muhim. Va biz Polshadek terma jamoa bilan uchrashyapmiz, polshalik tennischilar juda tajribali. Bizning yigitlar ham shunday, ular motivaciyaga to'lib turibdi. O'ylashimcha, bizni yaxshi natija kutmoqda".

- O'yin oldidan muxlislarni jalb etish maqsadida qanday ishlar amalga oshirildi?

"Birinchi navbatda, ijtimoiy tarmoqlarda ko'plab postlar chiqarildi. Lekin shuni aytishim mumkin-ki, bizda tennisni sevuvchilar ko'pchilikni tashkil etadi. Ularning o'zlari tennis o'ynashadi, stadionlarga borishadi. Ular "Devis kubogi"ning "Humo arena"da o'tkazilishini eshitishganda, juda katta ajiotaj bo'ldi. Barcha tezroq kelishni va terma jamoani qo'llab-quvvatlashni xohladi. Albatta, odamlar bir-biri bilan muhokama qilish orqali ham reklama qilishi mumkin". 

- Polsha terma jamoasi tarkibi, jumladan, dunyoning sakkizinchi raqamli raketkasi Hubert Hurkach haqida qanday fikrdasiz?

"U juda yaxshi o'yinchi. Bir hafta oldin Avstraliya ochiq chempionatida ham yaxshi natija qayd etganini bilamiz. U hozir dunyo reytingida sakkizinchi o'rinni egallagan holda top-10da ketmoqda. O'ylashimcha, u bilan o'ynash juda qiyin bo'ladi. CHunki u juda tajribali va kuchli o'yinchi. Lekin bizning yigitlarning avval aytganimdek, yo'qotadigan narsasi yo'q, motivaciyaga ega. CHunki ular Toshkentda, birinchi bor "Humo arena"da, minglab muxlislar qarshisida o'ynashadi. Ularni qo'llab-quvvatlab, muxlislik qilamiz va ular yaxshi natija ko'rsatadi".

- Mavzudan tashqari savol bermoqchiman. O'zbekistonda o'tgan yili o'smirlar o'rtasidagi turnirlar soni ancha ko'paydi, bu yil ham yangilari qo'shildi. Qachon ATP yoki WTA turkumidagi turnirlarni yana ko'rishimiz mumkin?

"Ha uzoq vaqt davomida pandemiya tasiri kuchli bo'ldi. SHuning uchun, bizning federaciyamizdan professional turnirlarni tashkil etishda biroz vaqt kutish talab qilindi. SHu sababli, biz faqat o'smirlar o'rtasidagi turnirlarni yo'lga qo'ydik. Lekin hozir, biz bor etiborimizni bu yil yoki keyingi yil ATP Challenger yoki ITF Fyuchers turnirini tashkil etishga qaratdik. Yigitlar yana qaytadan professional turnirlarda ishtirok etishi uchun. O'ylashimcha, biz "Humo arena"da "Devis kubogi"ni o'tkazishga erishdikmi, demak, tez orada ATP va WTA turnirlarini ham qaytadan tashkil etamiz", - dedi To'laganova.