Istam Qudratov: "-71 kg vaznda birinchi marta jang qilishim"

Jangovor sambo bo'yicha  -71 kg vazn toifasida terma jamoamizga bronza medalini taqdim etgan Istam Qudratov taqdirlash marosimidan so'ng ishtiroki haqidagi fikrlarini bildirib o'tdi.

“CHempionatdagi barcha raqiblarim juda ham kuchli edi. Ularning har biri jahon chempionatiga puxta tayyorlanib kelgani sezildi. -71 kg vazn toifasida birinchi marta jang qilishim, shuning uchun ham bahslar men uchun juda qiyin kechdi. O'z uyingda hatto devorlar ham yordam beradi, degan gap bor. Lekin buning o'ziga yarasha bosimi ham bo'ladi, albatta. Mashg'ulotlar har doimgidek alo darajada bo'ldi. Ammo men o'z ishtirokimdan qoniqmadim, negaki, oldimga qo'ygan maqsadim oltin medal edi. Alloh menga shu darajani munosib ko'rgan ekan, albatta, buni xursandchilik bilan qarshi olaman. O'zbekiston sambo terma jamoasi chempionatga yaxshi tayyorgarlik ko'rdi. Mazkur musobaqa terma jamoamiz uchun omadli keldi desam adashmagan bo'laman. Meni qo'llab turgan hammaga rahmat. O'zbekiston sambo associaciyasi hamda ota-onamga alohida minnatdorchilik bildiraman", - dedi Qudratov.