Istomin ikki kun davom etgan bahsda Fominni mag'lub etdi, Sultonov juftlikda ham yutqazdi

Musobaqaning juftliklar bahsida o'zbek tennischilari bir-birlariga qarshi kortga chiqishdi. Tajribali Denis Istomin rossiyalik Evgeniy Karlovskiy bilan birga 1/8 finalda yana bir tennischimiz Sergey Fomin hamda qozog'istonlik Grigoriy Lomakin hamkorligini 6/2, 4/6, tay-brekda 12/10 hisobida taslim etdi.

Yakkalik bahslaridagi ishtirokini birinchi davradayoq yakunlagan musobaqaning amaldagi vice-chempioni Humoyun Sultonov juftlikda ham yutqazdi. Mamlakatimizning birinchi raketkasi hindistonlik Kartik Ganta bilan birga yaponiyalik tennischilar Seyta Vatanabe va Yuzuki Takeru tandemiga 4/6, 4/6 hisobida imkoniyatni boy berdi. Yaponiyalik tennischilar turnirning ikkinchi raqamli juftligi hisoblanadi.