Istomin Ortisei Challenger bosh sovrini uchun kortga chiqadi

Ortisei Challenger turnirining juftlik bahslarida hamyurtimiz Denis Istomin ham muvaffaqiyatli ishtirok etyapti. Tajribali tennischimiz rossiyalik Evgeniy Karlovskiy bilan hamkorlikda final chiptasini qo'lga kiritdi. 

Istomin/Karlovskiy juftligi 90 daqiqa davom etgan yarim final uchrashuvida chexiyalik tennischilar Petr Nouza hamda Endryu Poulson tandemini 6/3, 6/7(2), katta tay-brekda 11-9 hisobida mag'lub etdi. 

Bugun ular bosh sovrin uchun ispaniyalik Serxio Martos Gornes hamda italiyalik Marko Bortolotti juftligiga qarshi kortga chiqishadi. Final bizning vaqt bilan soat 17:00da boshlanadi.