ITF M15 Tashkent. Istomindan tashqari qolgan tennischilarimizda kutilgan natija

Musobaqaning yakkalik dasturi asosiy to'rida to'rt nafar tennischimiz ishtirok etdi. Dastlab, Amir Milushev 1/16 final bosqichida rossiyalik Aleksandr Bindaga imkoniyatni boy berdi (2/6, 2/6).

Ilk davradagi o'zbek derbisida Rahimbek Karimovni mag'lub etgan Maksim SHin nimchorak final bosqichida chexiyalik Daniil Palan oldida ojiz qoldi - 3/6, 2/6. Damir Abdusamadov hindistonlik Sidhart Ravatga qarshi kortga chiqib, mag'lubiyatga uchradi.

Musobaqaning juftlik dasturida esa tennisimiz afsonasi Denis Istomin o'zining doimiy sherigi, neytral maqomdagi Evgeniy Karlovskiy bilan muvaffaqiyatli ishtirok etmoqda. Ular 1/8 finalda hamyurtlarimiz Damir Abdusamadov va Amir Milushev juftligini, chorak finalda esa neytral maqomdagi tennischilar — Aleksandr Binda hamda Ivan Denisovdan ustun kelishdi.

Turnirda yosh tennischimiz Maksim SHin yaponiyalik Kazuma Kavachi bilan juftlikda qatnashayotgan edi. Ular ilk davrada estoniyalik Kristian Tamm hamda Zura Tkemeladzeni mag'lub etgan bo'lsa-da, chorak finalda hindistonlik tennischilarga mag'lub bo'lishdi. 

SHuningdek, juftlik dasturida ishtirok etgan Rahimbek Ibragimov va Bobur Madaminov ham chorak finalda taslim bo'ldi.