Konor Makgregor: "Xolloueyni bir oyoqda ham engardim"

Konor trilogiyaning yakuniy jangida amerikalik ustidan o'z ustunligini isbotlamoqchi.

"UFC bilan shartnomam bo'yicha so'nggi jangimdagi raqib Xollouey bo'lishi kerak. SHunchaki yana bir bor bu jangni amalga oshiraylik. Ha, jangni takrorlaylik. Bu yigit men bilan jang qilishga jurat eta olmadi va jangni to'xtatishni so'ragan ham aynan u edi. Maks "Referi, referi, referi!" deb baqirib, jangni o'zi to'xtatdi.

Tasavvur qiling, agar men shunchaki "Ha! Yaxshi!" deb aytib, oktagondan sakrab o'tsam. Ishoning, men g'alaba qozongan bo'lardim, chunki u jang qilishni istamadi. Men uni hatto bir oyoqda ham engardim, u menga yaqinlashishga ham jurat eta olmasdi", - dedi irlandiyalik Glazgodagi BKFC 96 turniridan keyingi matbuot anjumanida.

SHu bilan birga, Makgregor kelasi yilning yozidan oldinroq qaytishi mumkinligini bildirdi.

"Men allaqachon qaytish yo'lidaman. Hozir qaysi oy? Noyabr. Operaciyadan uch oy o'tdi. Menda avval ham shunday jarohat bo'lgan va men to'qqiz oyda qaytganman. Demak, to'qqiz oy - bu yozgacha. Men shunchaki yana jang qilmoqchiman va bu Xollouey bo'lishi kerak. Nima bo'lganini unutaylik va jangni qayta o'tkazaylik", - deya xulosa qildi Makgregor.