ITF M15 Tashkent. Milushevda mag'lubiyat, bugun o'zbek derbisi bor

Kechadan xuddi shunday toifadagi yana bir turnirning asosiy to'r bahslari start oldi. Hamyurtimiz Amir Milushev 1/16 final bosqichida rossiyalik Aleksandr Bindaga qarshi kortga chiqib, 2/6, 2/6 hisobida imkoniyatni boy berib qo'ydi. Milushev ATP reytingida 1690, Binda esa 1003-pog'onadan joy olgan.      

Bugun ikki tennischimiz Maksim SHin va Rahimbek Ibrohimov 1/16 finalda o'zaro to'qnash kelishadi. Har qanday holatda ham hamyurtlarimizdan biri nimchorak finalga yo'l oladi. Ushbu uchrashuv soat 14:30da boshlanadi. SHin reytingning 1131, Ibrohimov esa 1932-pog'onasini band etgan. 

SHuningdek, bugun yana bir tennischimiz asosiy to'rda o'z omadini sinab ko'radi. Damir Abdusamadov hindistonlik Sidhart Ravatga qarshi kortga chiqadi. Bu bahs soat 11:30da boshlanadi.