Ivan Popov nega O'zbekiston safiga o'ta olmaganini aytdi

"Balki, qandaydir umidsizlik bo'lgandir. Bizni bunga nima undaganini ham bilmayman. Hozirgi global vaziyatni hisobga olgan holda, rossiyaliklar uchun biron bir xalqaro musobaqada qatnashishga umid qilish qiyin. Biz buni sinab ko'rishga qaror qilgandik, ammo o'xshamadi.

Men hech qachon sport fuqaroligimni o'zgartirishni maqsad qilmaganman va har doim mamlakatim nomidan bellashishni xohlaganman. Ammo malum bir paytda, vaziyatlar faoliyatimni davom ettirish va xalqaro miqyosda musobaqalashish imkoniyatiga ega bo'lish uchun qiyin qaror qabul qilishga majbur etdi. O'zbekiston tomonidan jiddiy qiziqish bildirildi, mening sport maqsadlarimga mos keladigan aniq shartlar taklif qilindi. Bunday vaziyatda bu zarur qadam edi.

Rad etilishim sababi - men butun mavsum davomida Rossiya musobaqalarida qatnashganim va yaxshi natijalar ko'rsatganim edi. SHuning uchun ular menga ruxsat berishmadi. Avvaliga biz xotirjam munosabatda bo'ldik: bizda tayyorgarlik ko'rish, kuchli dasturlar yaratish, ular ustida ishlash, ultra-C elementlarini qo'shish va barchasini bajarish uchun vaqt bo'ladi, deb o'ylagandik. Ammo vaqt o'tishi bilan bu psixologik jihatdan qiyinlashdi, chunki biz mashq qilishimiz kerak edi. Albatta, eng yaxshi scenariy, agar mening O'zbekiston safida Pekindagi licenzion turnirga borganimda bo'lar edi. Hamma narsa qishki Olimpiada uchun qilinayotgan edi. O'sha mavsum oxirida biz yangi dasturlar yaratishni boshladik. Keyin tatil bo'ldi va men bir hafta oldin ketdim. Keyin yozgi shoular... va bizning guruhimiz Sochida o'quv-mashg'ulot yig'inida bo'ldi. Tatilga chiqqanimdan atigi bir oy o'tgach, men yana muzga qaytdim.

O'shanda biz dasturlar ustida ishlay boshladik: qo'l harakatlari ustida ishlash, qo'shimcha elementlar qo'shish va ularni asta-sekin konkida sinash. Rad etilgandan so'ng, biz bir yil davomida karantinda bo'lishni rejalashtirgan edik. Endi karantin yo'q deyish mumkin. CHunki men O'zbekiston fuqaroligidan voz kechdim. Men O'zbekiston pasportini oldim - va tamom. Keyin murabbiyim bilan kichik mojaroga duch keldim va men Irina Aleksandrovna [Smirnova] bo'lmasa, bu menga kerak emas, degan qarorga keldim", deydi Popov.