Figurali uchuvchilar Kamila Valieva hamda Aleksandra Trusovaga musobaqalarda ishtirok etishga ruxsat berildi

Bu ularga tashkilot qoidalari asosida xalqaro musobaqalarda ishtirok etish imkonini beradi.

Kamila Valieva va Aleksandra Trusovaga oid qaror TASS agentligi ISU Rossiya sportchilariga 2026/27 yilgi mavsumdan boshlab tashkilot nazorati ostidagi xalqaro musobaqalarda neytral maqomda ishtirok etishiga ruxsat berilgani haqida xabar berganidan so'ng qabul qilindi.

SHuningdek, bir qator rossiyalik figurali uchuvchilarga ham neytral maqom berildi. Ular orasida Pyotr Gumennik, Vladislav Dikidji, Mariya Zaxarova, Dina Xusnutdinova, Aleksandra Boykova va Dmitriy Kozlovskiy kabi nomlar bor.

20 yoshli Kamila Valieva dopingga qarshi qoidalarni buzgani uchun berilgan to'rt yillik diskvalifikaciya muddatini o'tab bo'lgach, musobaqalarga qaytishga tayyorgarlik ko'rmoqda. U 2025 yil 25 oktyabrdan boshlab rasman mashg'ulotlarni qayta boshlash huquqiga ega bo'lgan.

22 yoshli Aleksandra Trusova 2022 yilgi Qishki Olimpiya o'yinlarining kumush medali sohibi. SHuningdek, u 2021 yilgi jahon chempionatining bronza medali va Evropa chempionatlarining kumush hamda bronza medallarini qo'lga kiritgan.

ISU Rossiya va Belarus sportchilarini 2022 yil mart oyida, Ukrainadagi urushning avj olishi ortidan xalqaro musobaqalardan chetlatgan edi. Bu qaror Xalqaro Olimpiya qo'mitasi (IOC) xalqaro sport federaciyalariga ikki davlat sportchilarining ishtirokini cheklash bo'yicha tavsiya berganidan keyin qabul qilingan.