Jahon chempionatida 1/2 final juftliklari malum

Kecha oqshom musobaqada chorak final uchrashuvlari o'tkazilib, 1/2 final juftliklari malum bo'ldi. Dramatik kechgan Kanada - SHveciya uchrashuvida okean orti xokkeychilari ajoyib kambekni amalga oshirishdi. Kanadaliklar 0:3 hisobidagi mag'lubiyatni g'alabaga aylantirishdi. Asosiy vaqtda muvozanatni tiklagan Kanada overtaymda g'alaba shaybasini kiritishga muvaffaq bo'ldi.  

CHexiya terma jamoasi Germaniyani ortiqcha qiyinchiliksiz 4:1 hisobida engdi. Musobaqa mezbonlari Finlyandiya terma jamoasi Slovakiyaga qarshi o'yinda irodali g'alabani tantana qildi – 4:2. Birinchi bo'limdan so'ng "suomi" 1:2 hisobida imkoniyatni boy berayotgan edi. 

So'nggi chorak final juftligida AQSH xokkeychilari SHveycariyadan ustun (3:0) kelishdi. Ketma-ket 7 ta uchrashuvda g'alaba qozongan shveycariyaliklar shu tariqa jahon chempionatidagi ishtiroklarini yakunlashdi.

28 may. 1/2 final juftliklari:

Tampere, "Nokia-Arena", Finlyandiya — AQSH

Tampere, "Nokia-Arena", Kanada — CHexiya.

Yarim final uchrashuvlari 28 may kuni Tampere shahrida o'tkazilsa, 29 may sanasida poytaxt Xelsinkida final va bronza medali uchun o'yinlar bo'lib o'tadi.