Jahon chempionlari texnogen falokat oqibatlarini bartaraf etishda faollik ko'rsatmoqda

Sportchilar hududlarda talofat ko'rgan aholi turar joylari, ijtimoiy soha obektlari va yo'llarni qayta tiklash bo'yicha olib borilayotgan ishlarda faollik ko'rsatmoqda.

Jumladan, Sardoba tumanida 45 nafar, Oqoltin tumanida 40 nafar, Mirzaobod tumanida 45 nafar hamda Guliston shahrida joylashgan oziq-ovqat jamlash omborida 20 nafar jami 150 nafar sport sohasi vakillari xizmat qilishayapti.

Mazkur ishlarga sportchilarimizdan Universal jang bo'yicha 8 karra jahon chempioni Alisher Abdullaev, Bahodirlar o'yini va tosh ko'tarish bo'yicha O'zbekiston terma jamoasi bosh treneri Lochin Husanov, Kikboksing bo'yicha bir qator chempionlarni etishtirgan mashhur trener Abdulla Kuchmurodov kabilar qatorida ko'plab mashhur sportchilar va trenerlar o'z hissalarini qo'shishmoqda.

Jismoniy tarbiya va sport vazirligi Matbuot xizmati