Sportchi va sanatkorlar “Sardoba” fojiasi jabrdiydalari holidan xabar olishdi

Mazkur harbiy qismga Sirdaryo viloyatining Sardoba, Mirzaobod hamda Oqoltin tumanlaridagi “Birlik”, “Navbahor”, “Tinchlik” va “SHodlik” mahallalarida istiqomat qiluvchi jami 195 nafar fuqaro joylashtirilgan.

“Sardoba” fojiasi jabrdiydalari bilan do'stona uchrashuvda xalqimizning sevimli sanatkorlari, jumladan O'zbekiston xalq artisti, “SHaytanat” serialidagi Asadbek obrazi bilan yurtdoshlarimiz qalbidan joy olgan Yodgor Sadiev, taniqli rejissyor, O'zbekistonda xizmat ko'rsatgan madaniyat xodimi Mirabbos Mirzaahmedov, shuningdek taniqli sportchilar, dzyudo bo'yicha Osiyo chempioni, harbiylar o'rtasida jahon chempionati g'olibi Ramziddin Saidov, taekvondo VTF bo'yicha Osiyo o'yinlari g'olibi Jasur Boyqo'ziev, shaxmat bo'yicha ko'plab xalqaro turnirlar g'olibi, Zulfiya nomidagi davlat mukofoti sohibasi Sarvinoz Qurbonboeva, erkin kurash bo'yicha o'smirlar o'rtasida jahon chempioni Jamshid Marufov, Bahodirlar o'yini va tosh ko'tarish bo'yicha jahon chempioni, “Mard o'g'lon” davlat mukofoti sohibi Javohir Qurbonov, sportning Universal jang turi bo'yicha 8 karra jahon chempioni Alisher Abdullaevlar ishtirok etdi.

Uchrashuvda dastlab sanatkorlar o'z chiqishlari bilan yig'ilganlarni xushnud etdi. SHundan so'ng davrada mahalliy sportsevar yoshlar o'z mahoratlarini namoyish etishdi va ular taniqli sportchilarimiz tomonidan rag'batlantirib turildi. Ehtimol, sirdaryolik yoshlarga berilgan sovg'alarning qiymati yuqori emasdir, ammo buni jahon chempionlari, qaysiki xalqaro arenalarda vatanimiz bayrog'ini yuqorilarga ko'tarib kelayotgan sportchilar qo'lidan qabul qilib olish o'sha bolakayning murg'ak qalbida sportga mehr uyg'otishiga shubha yo'q.

SHuningdek, tadbir davomida Sarvinoz Qurbonboeva mahalliy shaxmat ishqibozlariga o'ziga xos master-klass (mahorat darslari) o'tdi. Tadbir so'ngida fuqarolarni bo'sh vaqtlarida jismoniy tarbiya va sport bilan shug'ullanishlari, qolaversa kitob o'qishlari uchun sport formalari va badiiy asarlar taqdim etildi.