“Ko'ngilli sportchilar” guruhi yordami bilan “Do'stlik” mahallasi aholisi o'z uylariga qaytadi

“Sardoba fojiasi” oqibatlarini bartaraf etish maqsadida Sirdaryo viloyati sport talim muassasalarida faoliyat olib borayotgan trener-instruktorlar, metodistlar hamda sportchilardan tuzilgan “Ko'ngilli sportchilar” guruhi tabiiy ofatdan zarar ko'rgan aholi turar joylari va ijtimoiy soha obektlarida tozalash ishlarini davom ettirmoqda.

Kuni kecha jami 130 nafar “Ko'ngilli sportchilar” guruhi Sardoba tumanidagi “Do'stlik”, Oqoltin tumanidagi “SHodlik” hamda Mirzaobod tumanidagi “Navbahor” mahallalarida aholi uy-joylarini tozalash va tiklash ishlariga ko'maklashdi.

Tabiiy ofatdan eng ko'p jabr chekkan hududlardan biri bo'lmish Sardoba tumanidagi “Do'stlik” mahallasini tiklash ishlari qoraqalpog'istonlik quruvchilar chekiga tushgan. Ularga yordamchi sifatida 48 nafar trener va sportchi hasharga keldi. Mahalliy aholining aytishicha, agar ishlar shu suratda davom etadigan bo'lsa, uzog'i bilan 20 kun ichida ularning uyi to'liq tamirdan chiqarilib, foydalanishga topshiriladi.

Oqoltin tumanidagi “SHodlik” mahallasidagi ishlarga 62 nafar ko'ngilli sportchi jalb etildi. SHuningdek, Mirzaobod tumanidagi “Navbahor” mahallasida ham 20 nafar sport sohasi xodimlari ko'ngilli ravishda tozalash ishlarida ishtirok etdi. Ish unumdorligini taminlash maqsadida hasharchilarga shu erning o'zida tushlik ham tashkil etilgan.

SHuni takidlash kerak, “Ko'ngilli sportchilar” guruhi karantin qoidalariga qatiy amal qilgan holda yurtdoshlarimizning og'irini engil qilishda o'z hissalarini qo'shmoqda. Bu kabi say-harakatlar tabiiy ofat oqibatlari to'liq bartaraf etilgunga qadar davom etadi.

Takidlash kerak, “Ko'ngilli sportchilar” guruhining ezgu ishlari “O'zbekiston-24”, “Sport-TV” va “Sevimli” telekanallari hamda O'zbekiston milliy axborot agentligi xodimlari tomonidan OAV orqali yoritish maqsadida tasvirga olindi.