Jastin Getji: Xabibni mag'lub etsam, Makgregor o'z oyog'i bilan qaytadi

Amerikalikning aytishicha, irlandiyalik sportchining o'zi oktagonga qaytadi. 

"O'ylashimcha, Makgregor yana jang o'tkazadi. U Xabib bilan jangim qanday natija bilan yakunlanishini kutadi. Agar men Nurmagomedovni mag'lub etsam, u albatta qaytadi. Mabodo, Xabib g'alaba qozonsa, u holda qaytmasa kerak.

Nima bo'lgan taqdirda ham u - afsona! Undan bu maqomni tortib ololmaysiz. Konor bir jangchi orzusidagi barcha muvaffaqiyatga erishib bo'lgan. Uning qarshisida shlyapamni echaman. Lekin shu bilan birga yuziga tarsaki tushirishimni ham orziqib kutaman", — dedi Getji ESPN kanaliga bergan intervyusida.