Jek Dreyper Vena turniri chempioni

Hal qiluvchi final uchrashuvida dunyoning 18-raketkasi bo'lib turgan britaniyalik Jek Dreyper ATP reytngida 24-pog'onada borayotgan rossiyalik Karen Xachanovni 6/4, 7/5 hisobida taslim etdi. Ingliz tennischisi o'zaro uchrashuvlardagi hisob muvozanatini ham tiklab qo'ydi - 2:2. 

To'qson to'rt daqiqa davom etgan bahsda ikkala tennischi ham 6 tadan eys zarbasini amalga oshirgan. Dreyper faoliyatidagi ikkinchi sovrinini qo'lga kiritdi. Vena turniridagi muvaffaqiyatli ishtirok unga 500 reyting ochkosi va 461,920 evro mukofot puli keltirdi. Xachanov esa 330 ochko va €248,540 qo'lga kiritdi.