Jessika Pegula Madriddagi "Masters" turnirining finaliga chiqdi

Jahonning 14-raketkasi, amerikalik Jessika Pegula turnirning yarim finalida WTA reytingida 35-o'rinni egallab turgan shveycariyalik Jil Taykmannni 6/3, 6/4  mag'lub etib, finalga chiqdi.

Tennischilar kortda 1 soatu 22 daqiqa harakat qilishdi. Bu vaqt ichida ular birorta eys qayd etishmadi va har biri bittadan qo'sh xatoga yo'l qo'ydi. SHu bilan birga, 28 yoshli Pegula to'rtta, 24 yoshli Taykmann esa ikkita breykdan unumli foydalandi. Bu sportchilarning birinchi rasmiy uchrashuvi edi.

Mutua Madrid Open turniri finalida Pegula tunislik Ons Jaberga qarshi bahs olib boradi.