Jo Rogan Maxachevga Yen Gerri bilan bo'lgan jangdan so'ng maslahat berdi

SHu bois sharhlovchi Jo Rogan rossiyalik jangchining ushbu vazn toifasidagi kelajakdagi muvaffaqiyatiga shubha bilan qaramoqda.

"U qilishi kerak bo'lgan ishni qildi, lekin uni avval hech qachon bo'lmaganidek sinovdan o'tkazishdi. Bu og'ir jang bo'ldi. Garchi u etarlicha ishonchli ustunlik bilan g'alaba qozongan bo'lsa-da, biz Islamni malum bir darajadagi nazorat va ustunlikni namoyish etishiga o'rganib qolganmiz. Bu erda esa, o'zidan yirikroq yigitga qarshi kurashda bu narsa etishmayotgandek tuyuldi.

Uning yarim o'rta vaznga o'tishidan keyingi asosiy savol ham shunda: u erda Morales kabi juda yirik yigitlar bor. Agar u ular bilan jang qilsa, nima bo'ladi? Gabaritlardagi farq Yen Gerri bilan bo'lgan jangdagidan ham kattaroq bo'ladi. Machado sakkizburchakdagi o'nta g'alabasidan faqat uchtasiga muddatidan oldin erishgan. Morales esa o'z yo'lida uchragan barchani yakson qilgan. Karlos Prates — qotil. U shunchaki oldinga boradi va raqiblarini bir zarba bilan nokautga uchratadi.

Yen bunday jangchi emas. U hisob-kitobli va juda texnik zarbachi, lekin unda "yadroviy kuch" yo'q. Karlos Pratesda esa yadroviy kuch bor, Maykl Moralesda ham, ularning ikkalasi ham juda yirik yigitlar", — dedi Rogan o'z podkastining navbatdagi sonida.

SHularni inobatga olgan holda, Rogan rossiyalik sportchi uchun chempionlik himoyalari bo'yicha rekord o'rnatgan engil vazn toifasiga qaytishi oqilona bo'lishini takidladi.

"Bundan tashqari, Islam uchun bularning barchasi qanchalik qimmatga tushayotgani, bu yirik va kuchli yigitlarni parterda ushlab turish uchun qancha kuch sarflashi kerakligida katta farq bor. U Dastin Pore va CHarlz Oliveyra bilan janglarda nima qilganiga qarang. U parterga olganida, raqiblarini shunchaki ezib tashlagandi. Engil vazndagi Islam bilan yarim o'rta vazndagi Islam o'rtasidagi farq shunda. Men uning nimalarga erishmoqchi ekanligini tushunaman, lekin agar men uning burchagida bo'lganimda, balki engil vaznga qaytishimiz kerakdir, degan bo'lardim", — deya qo'shimcha qildi Rogan.