Joan Laporta: "Barselona" va "Real" o'rtasidagi munosabatlar yaxshi emas"

"Munosabatlar yaxshi emas, chunki ular Negreyra ishida qatnashishmoqda. Ular ahamiyatsiz va ishontirmaydigan dalillar keltirishmoqda.

Ish ochilishi ularda qiziqish uyg'otdi. Bu bizga yoqmaydi va vaziyat keskin. Biz abadiy raqibmiz, lekin bunga hurmat bilan yondashamiz.

Mayamida "Vilyarreal"ga qarshi o'yin mavzusini ko'targim kelmaydi. Boshidanoq Ispaniya futbolchilari associaciyasi va boshqa klublar qarshiligiga duch keldik. O'ylaymanki, bu bellashuv La Ligani soxtalashtirmas edi”, – dedi Laporta Catalunya Ràdioga bergan intervyusida.

Eslatib o'tamiz, 2023 yilda “Barselona” va uning rahbariyati Ispaniya Qirollik futbol federaciyasi (RFEF) huzuridagi hakamlar texnik qo'mitasining sobiq vice-prezidenti Xose Mariya Enrikes Negreyraga 2001–2018 yillar orasida bir necha million evro to'laganlik uchun pora berish ayblovi bilan jinoiy ish doirasiga tortilishi haqida xabar berilgan edi.

Yaqinda mazkur ish bo'yicha sudda bir nechta shaxslar, jumladan Negreyraning o'g'li Xaver Enrikes hamda “Barselona”ning sobiq prezidentlari Sandro Rosel va Jozep Bartomeu ham ko'rsatma bergan.