Jokovich Cicipasni mag'lub etdi, birozdan so'ng yarim final o'yini o'tkaziladi

Biroz avval jahonning birinchi raketkasi Novak Jokovich chorak final doirasida greciyalik Stefanos Cicipasga qarshi kortga chiqdi. 3 soat 18 daqiqa davom etgan o'yinda Jokovich 4:6, 7:5, 7:5 hisoblarida g'alaba qozondi va yarim finalga yo'l oldi. Aslida ushbu o'yin kecha o'tkazilishi lozim edi. Biroq Rimdagi yomg'in sabab, kecha boshlangan o'yin bugun tugatib qo'yildi. 

Endi Jokovich birozdan so'ng yarim finalda italiyalik Lorenco Sonego bilan o'ynaydi. Lorenco ham biroz avval chorak final o'yinini o'tkazib, unda Andrey Rublyovni mag'lub etgandi.