08 jan 08:45
Yangiliklar
Tennis
Jokovich finalda dunyoning birinchi raketkasini mag'lub etdi
Qatar poytaxti Doha shahri mezbonlik qilgan tennis bo'yicha nufuzli turnir o'z yakuniga etdi.
Sovrin jamg'armasi 1 237 190 AQSH dollarini tashkil qiluvchi Qatar ExxonMobil Open turniri sayyoramizning ikkinchi raketkasi Novak Jokovichning g'alabasi bilan yakunlandi.
Serbiyalik tennischi hal qiluvchi final uchrashuvida dunyoning birinchi raketkasi britaniyalik Endi Marreyga qarshi kortga chiqdi. Ikki soatu 55 daqiqa davom etgan bahsda Jokovich 6:3, 5:7, 6:4 hisobida zafar quchdi.
Doha shahridagi muvaffaqiyatli ishtirok 29 yshli Novak Jokovichga 209,665 AQSH dollar mukofot puli hamda 250 reyting ochkosini taqdim etdi. Serbiyalik tennischi o'tgan yili ham Doha turnirida bosh mukofotni qo'lga kiritgan edi.
Malumot uchun, Jokovich va Marrey o'rtasidagi uchrashuvlardagi hisob 24:11ga etdi, Novak foydasiga!
Havola :
Fikrlar