Jokovich Indian-Uells va Mayami "Masterslar"ida ishtirok etmaydi. Buni Novakning o'zi tasdiqladi

"AQSHga kirish qoidalarini hisobga olgan holda Indian-Uells va Mayami turnirlarida ishtirok etishim dargumonligini bilardim. Ammo, xalqaro koronavirus cheklovlari doimiy ravishda ko'rib chiqiladi, shuning uchun men mumkin bo'lgan o'zgarishlarni kutdim.

Bugun AQSH Kasalliklarni nazorat qilish va oldini olish markazi qoidalar o'zgarmasligini tasdiqladi. Bu AQSHga kira olmasligimni anglatadi. Muxlislarim meni yana kortda ko'rishni xohlashlarini bilaman va tez orada Turga qaytishga umid qilaman. Amerikaning nufuzli turnirlarida ishtirok etayotgan barchaga omad yor bo'lsin”, — deb yozdi Jokovich Instagram'dagi sahifasida.

Endi BNP Paribas Open turnirida Jokovichning o'rnini bolgariyalik Grigor Dimitrov egallaydi.