20 avg 10:14
Yangiliklar

Tennis

Jokovich Rafael Nadalning reyting rekordini yangiladi

"Katta Dubulg'a" turnirlarining 24 karra g'olibi Novak Jokovich yana bir tarixiy natijaga erishdi.

Serbiyalik afsona kecha ATP Top-2 reytingidagi 597-haftasini boshladi. Bu bilan u Ochiq eradagi erkak tennischilarning rekordini yangiladi. Bundan avvalgi eng yaxshi ko'rsatkich Rafael Nadalga tegishli edi. Ispaniyalik yulduz 596 hafta davomida reytingda Top-2`dan tushmagandi.

Takidlash joiz, Novak Jokovich 428 hafta mobaynida dunyoning birinchi raketkasi bo'lgan. Bu ham tennis tarixidagi rekord hisoblanadi. Ayni paytda Jokovich dunyoning ikkinchi raketkasi bo'lib turibdi. U peshqadam Yannik Sinnerdan 2000 ochko kam jamg'argan.