Jokovich "Rolan Garros"da muvaffaqiyatli start oldi

Serbiyalik tennischi Franciya poytaxtida o'tkazilayotgan nufuzli turnirning birinchi davrasida reytingning 66-pog'onasidan joy olib turgan amerikalik Tennis Sandgrenga qarshi kortga chiqdi va ortiqcha qiyinchiliksiz g'alaba qozondi - 6/2, 6/4, 6/2.

Novak 2 daqiqasi kam 2 soat davom etgan uchrashuvida 4 ta eys, 5 ta breykni amalga oshirdi va 2 ta qo'shxatoga yo'l qo'ydi. Sandgren esa 5 ta eys zarbasini ijro etdi. Tennischilarning o'zaro uchrashuvlaridagi hisob yiriklashdi - 4:0. 

Endi Novak Jokovich Franciya Ochiq chempionatining ikkinchi bosqichida urugvaylik Pablo Kuevasga qarshi kortga chiqadi. Pablo birinchi davrada franciyalik Lyuka Puyedan 6/3, 6/1, 6/3 hisoblarida ustun keldi.