Jokovich US Open-2022 va Australian Open-2023'da ishtirok etadimi?

Sayyoramizning sobiq 1-raketkasi koronavirusga qarshi emlanmagani sababli US Open-2022 musobaqasi, shuningdek, bu yil deportaciya qilinganidan keyin mamlakatga kirish uchun qo'yilgan taqiq tufayli Australian Open-2023`ni o'tkazib yuborishi mumkinligini aytdi.

"Agar ular ruxsat berishmasa, men Amerikaga bormayman. Albatta, Avstraliyadagi voqea men uchun juda yoqimsiz bo'lib chiqdi. Ehtimol, ko'pchilik hali ham meni u erga hujjatsiz, ruxsatsiz va tibbiy ruxsatnomasiz kirganimga ishonishadi. Ammo, bu noto'g'ri va sudda isbotlanganki, men kirish uchun ruxsatnomasiz hech qachon mamlakatga bormagan bo'lardim.

Men Avstraliyaga qaytishni xohlayman. Menga “Katta Dubulg'a” turkumidagi boshqa turnirlarga nisbatan eng yaxshi natijaga erishgan bu mamlakat yoqadi. Yanvar oyida Avstraliyada o'ynashni xohlayman va bunga umid qilaman. Men Nyu-Yorkda, Amerikada, imkonim bo'lsa chiqish qilmoqchiman.

Men professional tennischiman. Siyosat yoki boshqa narsa bilan shug'ullanmayman, bu meni qiziqtirmaydi ham. Mening o'z nuqtai nazarim bor: men har doim tanlash erkinligini qo'llab-quvvatlaganman. Men hammani hurmat qilaman va odamlar hech bo'lmaganda mening qarorimni hurmat qilishlarini kutaman.

Menga ruxsat berishsa, bu turnirlarga boraman. Aks holda, yo'q! Bu olamning yakuni emas”, - dedi Jokovich Bosniya va Gercegovinadagi tennis majmuasi ochilishida.