Jokovich Venada 1/4 finalga chiqdi

Sayyoramizning birinchi raketkasi Novak Jokovich Erste Open musobaqasining chorak finaliga yo'l oldi. Serbiyalik tennischi ikkinchi davra uchrashuvida reytingning 24-pog'onasidan joy olgan xorvatiyalik Borna CHorichni mag'lubiyatga uchratdi - 7/6(11), 6/3.

Ikki soatu 7 daqiqa davom etgan bahsda 33 yoshli Jokovich 4 ta, 23 yashar CHorich esa 9 ta eys zarbani amalga oshirgan. Tennischilarning o'zaro uchrashuvlaridagi hisob yanada yiriklashdi - 4:0.