Jokovichning fanatlari Novak to'p bilan poylagan hakamning Instagram sahifasini "buzib" tashlashdi

Xabaringiz bor, kecha serbiyalik tennis yulduzi nimchorak final uchrashuvining birinchi set o'n birinchi geymi davom etayotgan bir paytda to'pni jahl bilan kort tashqarisiga urib yuborgan, to'p esa to'g'ri borib chiziq hakamining yuzini topgandi. 

Buning natijasida Novak Jokovich US Open turniridan chetlatilgan hamda musobaqaning shu bosqichiga qadar ishlab topgan qimmatli reyting ochklari va 250 ming dollar mukofot pulidan mahrum qilingandi. 

Bundan g'azablangan Jokovichning fanatlari hakamning Instagram sahifasini topishdi va so'nggi post ostida 500 dan ziyod fikr qoldirishdi. Tabiiyki, fikrlarning deyarli barchasi haqorat ohangida bo'lib, ayrimlari hakamga dunyoning barcha baxtsizliklarini tilashgan.