Jon Jons CHimaevga faoliyatidagi ilk mag'lubiyatdan keyin maslahat berdi

"Agar men Xamzat CHimaevning o'rnida bo'lganimda, avvalo o'zimning zaif tomonlarim ustida ishlardim. Men har bir jangga aynan shunday tayyorgarlik ko'raman. Janglarni qayta ko'rib chiqaman va o'zimga savol beraman: “Bu inson meni qanday mag'lub qilishi mumkin? Uning kuchli tomonlari nimada? Atrofdagilar mening qaysi jihatimni zaif deb hisoblashadi?”

SHundan keyin etiborimni aynan shu nuqtalarga qaratardim.

Menimcha, u chidamlilik bo'yicha mashg'ulotlarga yondashuvini o'zgartirishi mumkin. Yangi usullarni sinab ko'rish kerak. SHuningdek, pastki poziciyada ko'proq ishlab, u erda o'zini maksimal darajada qulay his qilishni o'rganishi lozim.

Eng muhimi esa — psixologiya. Men mag'lubiyat jangchining fikrlash tarzini o'zgartirishini yaxshi tasavvur qila olaman. O'ziga bo'lgan ishonch ham, o'zini qabul qilishi ham o'zgaradi.

SHu sababli birinchi navbatda ruhiy holat ustida ishlash kerak. Mag'lubiyatlar bo'lib turadi. Ko'p hollarda inson aynan mag'lubiyatdan keyin o'zining eng yaxshi talqiniga aylanadi. Uning holatida ham shunday bo'lishini istayman.

U bu mag'lubiyatdan barcha ijobiy xulosalarni chiqarsin, saboq olsin va yanada kuchliroq bo'lib qaytsin", — dedi Jons Red Corner MMA’ga bergan intervyusida.