Kamondan otish terma jamoasiga xorijiy murabbiylar jalb etiladi

Mutasaddilar bu erda joylashgan O'zbekiston kamondan otish federaciyasining bazasida bo'lib, terma jamoamizning yangi Olimpiya sikliga tayyorgarlik rejasi bilan tanishdi.

Federaciya masullari o'z taqdimotlarida so'nggi yillarda kamondan otish sportini rivojlantirish yo'lida amalga oshirilgan ishlar xususida to'xtalib o'tishdi. 

Xususan, Sport vazirligi, MOQ va Milliy gvardiya qo'mondonligining yordami bilan ushbu sport ommaviyligi yoshlarimiz orasida sezilarli darajada oshgani, hududlarda kamondan otish bilan shug'ullanuvchilar soni ortib borayotgani haqida malumot berishdi. SHubhasiz, bunday o'sish yangi Olimpiya siklidagi asosiy yo'nalishlardan biri – selekciya ishlarida juda muhim hisoblanadi.

MOQ rasmiylari taqdimot haqida xulosa bildirishar ekan, terma jamoaga xorijiy mutaxassislarni jalb etish, ushbu sport rivojlangan terma jamoalar bilan o'quv-mashg'ulot yig'inlarini ko'proq tashkil etish kabi tavsiyalarni berib o'tishdi.

Qayd etish joiz, kamonchilarimiz Parij-2024 Olimpiadasida debyut qilishdi. Kelgusida ular jamoaviy yo'nalishda ham Olimpiada licenziyalarini qo'lga kiritishni maqsad qilishgan.

Kun yakunida Prezident qarori loyihasi uchun velosport va kamondan otish kabi murakkab texnik sport turlarini yanada rivojlantirish bo'yicha takliflar belgilab olindi.