18 avg 14:36
Yangiliklar

Tennis

Karacev Cincinnati "Masters" ilk davrasida CHilichga yutqazdi

AQSH Cincinnati shahrida o'tkazilayotgan "Masters" seriyasiga kiruvchi turnirning birinchi davra uchrashuvlari yakuniga etib bormoqda.

Dunyoning 25-raketkasi, rossiyalik Aslan Karacev Western & Southern Open turnirining birinchi davrasida ATP reytingida 39-pog'onadan joy olib turgan xorvatiyalik Marin CHilichga 5/7, 3/6 hisoblarida imkoniyatni boy berib qo'ydi.

Bir soatu 54 daqiqa davom etgan bahsda Aslan 6 ta, Marin 8 ta eys zarbasini ijro etdi. Bu tennischilarning o'zaro o'tkazgan ilk uchrashuvi edi. Marin CHilich ikkinchi davrada boshqa bir rossiyalik tennischi Andrey Rublyovga qarshi kortga chiqadi.