Karlos Alkaraz Uimbldon turnirining ikkinchi finalchisi

Ispaniyalik iqtidor egasi 2 soatu 55 daqiqa davom etgan yarim final bahsida sayyoramizning beshinchi raketkasi, rossiyalik Daniil Medvedevni to'rt set natijasiga ko'ra mag'lubiyatga uchratdi - 6/7(1), 6/3, 6/4, 6/4. Tennischilarning o'zaro uchrashuvlarida Karlos oldinda bormoqda - 5:2. 

Uchrashuv statistikasi:

Daniil Medvedev - 5 ta eys, 6 ta qo'shxato, 3 ta breyk

Karlos Alkaraz - 6 ta eys, 2 ta qo'shxato, 6 ta breyk

Alkaraz faoliyatida to'rtinchi bor "Katta Dubulg'a" turniri finaliga chiqdi. U o'tgan yili ham Uimbldon turnirining finalida o'ynagan edi. Uning musobaqa bosh sovrini uchun bahsdagi raqibi dunyoning ikkinchi raketkasi, serbiyalik Novak Jokovich bo'ladi.