16 sen 09:16
Yangiliklar

Boshqalar

Kibersportchilarimiz PUBG Mobile bo'yicha turnirda oltin va bronza medallarini qo'lga kiritgan holda 11 ming dollarga ega chiqdi

14-15 sentyabr kunlari Qozog'istonning Olma-Ota shahrida "Almaty Cyber Games International 2024" kibersport musobaqasi tashkil etildi.

Musobaqaning PUBG Mobile o'yini bo'yicha bellashuvlarida jami 16 ta, O'zbekistonning esa to'rtta (Everest Gaming, Danger eSports, NOT NOOBS, DARK NIGHTS) jamoasi ishtirok etdi.

Ahamiyatlisi, xalqaro musobaqada O'zbekistonning "NOT NOOBS" klubi birinchi, "Danger eSports" jamoasi esa uchinchi o'rinni qo'lga kiritdi. Ikkinchi o'rin esa mezbon Qozog'istonning "RUKH ESPORTS" klubiga nasib etdi.

Musobaqada oltin medallarni qo'lga kiritgan "NOT NOOBS" azolari 8 333 AQSH dollari, bronza medallariga ega chiqqan "Danger eSports" vakillari esa 3 124 AQSH dollarini qo'lga kiritishdi.