02 jan 16:32
Yangiliklar

Xokkey

Kirill Kaprizov MXLning 2024 yilgi eng yaxshi "snayperi" bo'ldi

"Minnesota Uayld" klubining rossiyalik hujumchisi Kirill Kaprizov Milliy xokkey ligasi Muntazam chempionatining 2024 yilgi to'purariga aylandi.

Kaprizov 56 ta shayba bilan to'purarlar ro'yxatida birinchi o'rinni egalladi. Aynan shuncha golga mualliflik qilgan "Florida Panterz" xokkeychisi Sem Raynxart ikkinchi o'ringa joylashdi. Snayperlar poygasida "Tampa-Bey Laytning" klubining kanadalik xokkeychisi Breyden Poynt 52 ta gol bilan kuchli uchlikka yakun yasadi.

Keyingi pog'onalardan o'z hisobiga 51 tadan gol yozib qo'ygan "Edmonton Oylerz"ning germaniyalik o'yinchisi Leon Drayzaytl va "Toronto Meypl Lifs" klubining amerikalik hujumchisi Oston Mettyus joy olishdi. Yana bir rossiyalik xokkeychi Artemiy Panarin "Nyu-York Reynjers" safida 42 ta shayba kiritishga muvaffaq bo'ldi.