Kontaveytning sobiq murabbiyi kelishilgan o'yinlarda ishtirok etgani uchun 12 yilga chetlatildi

ITIA hisobotida qayd etilishicha, Vendersga 12 yil davomida o'ynash, murabbiylik qilish va har qanday tennis musobaqalarida qatnashish taqiqlanadi. Jazo 2021 yilning 28 aprelida, ushbu qaror qabul qilingan kundan kuchga kirgan (keyinchalik u niderlandiyalik advokatlar tomonidan apellyaciyaga berilgan, shuning uchun bu xabar bugungi kungacha elon qilinmagan).

26 yoshli tennischi kelishilgan o'yinlarga aloqadorlik, shuningdek, ITIA tomonidan so'ralgan dalillarni yo'q qilish ayblovlarini tan oldi. Ilgari u Anett Kontaveyt jamoasining azosi bo'lgan, Demi SHuurs va Miriam Bulgarga murabbiylik qilgan, shuningdek, Elena Ostapenko uchun sparring-sherik sifatida ishlagan.