Kutilmagan xabar! Dunyoning birinchi raketkasi ATP Yakuniy turnirida qatnashmaydi

Bunga ispaniyalikning jarohati sabab bo'ldi. Bu haqda tennischining o'zi xabar berdi. Bir kun avval u Parij "Masters" turnirining chorak finalida Xolger Runega qarshi kortga chiqqan va qorin mushaklaridagi jarohat sabab bahsni yakuniga etkaza olmagan edi.

"MRT natijalari jarohat biz o'ylagandan ham jiddiyroq ekanini ko'rsatdi. Tiklanish uchun olti hafta kerak bo'ladi. Afsuski, ATP Yakuniy turnirida ham, "Devis Kubogi"da ham ishtirok eta olmayman. Ikki muhim musobaqani o'tkazib yuborish men uchun juda og'ir. Lekin nachora, bu sport. Qo'llab-quvvatlagan barcha uchun tashakkur", - dedi Alkaraz.