La Liga. "Barselona" mehmonda "Elche"ga 3 ta gol urdi

6-daqiqadayoq “Barselona” Lamin Yamalning goli bilan hisobni ochdi. Alvaro Rodriges 29-daqiqada hisobni tenglashtirdi, ammo Ferran Torres 40-daqiqada kataloniyaliklarni yana hisobda oldinga olib chiqdi. Zaxiradan maydonga tushgan Markus Reshford 72-daqiqada o'yinga yakuniy nuqtani qo'ydi.

“Barselona” 22 o'yindan so'ng 55 ochko bilan La Liga turnir jadvalida birinchi o'rinda bormoqda, undan bitta kam o'yin o'tkazgan “Real” hisobida esa 51 ochko bor.