La Liga. "Barselona" mehmonda "Real Sosedad"ga mag'lub bo'ldi

Dastlab "Barselona"ning ikki goli fol va ofsayd sabab bekor qilindi. SHundan so'ng mezbonlar o'yinchisi Mikel Oyarsabal 32-daqiqada hisobni ochdi. 70-daqiqaga kelib zaxiradan o'yinga qo'shilgan Markus Reshford muvozanatni tikladi. Ammo oradan bir daqiqa o'tib, mezbonlar hujumchisi Gonsalu Gedesh jamoasiga uch ochko keltirgan golga mualliflik qildi.

"Barselona" ayni paytda 20 ta o'yindan so'ng 49 ochko jamg'argan holda La Liga turnir jadvalida birinchi o'rinda bormoqda, "Real" hisobida 48 ochko bor. "Real Sosedad" esa 24 ochko bilan 8-o'ringa joylashgan.