Los-Anjeles-2028 yozgi Olimpiya va Paralimpiya o'yinlarining rasmiy ramzi elon qilindi

Mezbonlarning fikricha, tomoshabinlar mazkur ramz orqali shaharning ko'pqirrali kuchini ko'rib olishlari mumkin.

Raqamli davr uchun tayyorlangan animacion ramz vaqt o'tishi bilan rivojlanib, o'zining cheksiz imkoniyatlarini aks ettiradigan shahar ruhini ifodalaydi.

“Los-Anjeles o'ziga xoslikni talab qiladi. Uni bir so'z bilan ifoda qilishning imkoni yo'q. SHahardagi har bir tuman, mavze va aholi o'ziga xos ahamiyatga ega. LA-2028 O'yinlari bizning jamoaviy ijodkorligimizni, birgalikdagi kuchimizni ifoda qiladi”, – deydi Tashkiliy qo'mita rahbari Keysi Vasserman.

LA-28 ramzida L harfi jasoratni, 2 va 8 raqamlari esa “A” harfining dinamikasi o'zgarib turadigan voqealar qatorini ifodalaydi.

“Los-Anjeles – bu millionlab insonlar va yuzlab lahjalarni birlashtiradigan maskan. Hech kim hech qachon bo'lajak O'yinlar va Los-Anjelesning bor salobatini to'liq ifodalay olmaydi”, – deydi LA-2028 marketing direktori Emi Glison.

LA-2028 ramzi qandaydir diqqatga sazovor joy emas, balki ijodkorlik, o'z qirralarini namoyish qilish imkonini beruvchi platformadir.

“Birgalikda ijodkorlik imkoniyati cheksizdir”, – deydi Keysi Vasserman.