Markaziy Osiyo o'yinlarining qayta tiklanishi yuzasidan rasmiy bayonot

O'zbekiston Milliy olimpiya qo'mitasi (MOQ) ushbu xabar yuzasidan rasmiy bayonot beradi. Joriy yilning 13 fevral kuni Qozog'istonning Nur-Sultan shahrida Markaziy Osiyoning yuqorida sanab o'tilgan mamlakatlar Milliy olimpiya qo'mitalari Bosh kotiblari ishtirokida uchrashuv bo'lib o'tdi va unda O'zbekiston MOQdan ham vakil ishtirok etdi. Uchrashuvda 2021 yildan Markaziy Osiyo o'yinlarini qayta tiklash masalasi ko'rib chiqildi.

Mazkur yig'ilish bo'yicha shuni malum qilamizki, haqiqatdan, barcha MOQ vakillari ushbu tashabbusni qo'llab-quvvatlashdi va bu borada o'z fikrlarini bildirishdi. O'zbekiston tomoni ham mazkur tashabbusni maqulladi. Biroq Markaziy Osiyo o'yinlari musobaqasida delegaciyamizning rasman ishtirok etish masalasi Hukumatimiz bilan kelishilgan holda hal etiladi. Nur-Sultan shahrida bo'lib o'tgan yig'ilishda O'zbekiston MOQ vakili bu xaqda yig'ilish tashkilotchilarini xabardor qilgan.

SHunday ekan, O'zbekiston delegaciyasining Markaziy Osiyo o'yinlarida ishtirok etishi masalasiga oydinlik kiritilgach, Milliy olimpiya qo'mitasi bu xaqda alohida rasmiy bayonot beradi.