Marokash Gran-prisi. Xurramov bronza uchun kurashadi

Musobaqaning so'nggi kunida jami 5ta vazn toifasida bahslar o'tkazilmoqda. Erkaklar o'rtasida -90, -100 hamda +100 kg, ayollar o'rtasida esa -78 hamda +78 kg vazn toifalarida g'olib va sovrindorlar nomi malum bo'ladi. 

Bugun tatamiga chiquvchi to'rt nafar dzyudochimizdan faqat birida medalni qo'lga kiritish uchun imkoniyati bor. -100 kg vaznda yurtimiz sharafini himoya qilayotgan Muhammadkarim Xurramov birozdan so'ng o'tish bahsida kanadalik SHedi Alnaxasga qarshi tatamiga chiqadi. G'olib sportchi bronza medali uchun kechadigan uchrashuvda ishtirok etadi. 

Malumot uchun, Xurramov o'z ishtirokini ikkinchi bosqichdan boshladi. U avvaliga vengriyalik Zalan Oxat, keyin jazoirlik Lays Bouyakubni mag'lub etdi. Yarim final yo'llanmasi uchun kechgan bahsda esa belgiyalik Toma Nikiforovga imkoniyatni boy berib qo'ydi.   

Ushbu vazn toifasidagi ikkinchi dzyudochimiz SHerali Jo'raev esa gollandiyalik Simeon Katarinadan ustun keldi. Lekin qozog'istonlik raqibi Aybek Serikbaevga yutqazib, musobaqadagi ishtirokini to'xtatdi.

O'zbekiston dzyudo federaciyasi matbuot xizmati