Medvedev Indian-Uells "Masters" bosh sovrinini ko'zlamoqda

Dunyoning to'rtinchi raketkasi Daniil Medvedev musobqaning 1/2 finaliga yo'l oldi. Rossiyalik tennischi 1/4 finalda sayyoramizning ettinchi raketkasi, daniyalik Xolger Runeni 7/5, 6/4 hisobida mag'lubiyatga uchratdi. 

Tennischilarning o'zaro uchrashuvlarida Daniil hisobda oldinga chiqib oldi - 2:1. Roppa-rosa ikki soat davom etgan bahsda Medvedev 4 tadan eys va breykni amalga oshirib, 1 ta qo'shxatoga yo'l qo'ydi. Endi u BNP Paribas Open 1/2 finalida amerikalik Tommi Polga qarshi kortga chiqadi.