Medvedev Parij “Masters”da yutqazib qo'ydi

Kutilmaganda dunyoning to'rtinchi raketkasi Daniil Medvedev ilk uchrashuvidayoq mag'lubiyat alamini totib ko'rdi. Rossiyalik tennis ustasi ikkinchi davrada franciyalik Jeremi SHardiga imkoniyatni boy berib qo'ydi - 6/4, 2/6, 4/6.

Uchrashuv 2 soatu 6 daqiqa davom etgan. 23 yoshli Daniil 11 ta eys zarbasini amalga oshirdi. Reytingning 65-pog'onasidan joy olgan 32 yoshli Jeremi Rolex Paris Masters turnirining uchinchi bosqichida chililik Kristian Garin hamda amerikalik Jon Isner bahsi g'olibiga qarshi kortga chiqadi.