Medvedev uchun revansh olgan Xachanov US Open 1/2 finaliga chiqdi

Jahonning 31-raketkasi Karen Xachanov AQSH Ochiq chempionatining chorak finalida Nik Kirgiosni besh setda mag'lub etdi - 7/5, 4/6, 7/5, 6/7, 6/4.

26 yoshli rossiyalik tennischi faoliyatida ilk bor «Katta Dubulg'a» turkumiga kiruvchi turnirning yarim finaliga chiqdi. Bunga qadar u US Open'da uchinchi davradan nariga o'ta olmagan.

Uchrashuv 3 soatu 41 daqiqa davom etdi. Tennischilarning o'zaro uchrashuvlarida Xachanov oldinga chiqib oldi - 2:1. 

Endi Xachanov US Open yarim finalida norvegiyalik Kasper Ruudga qarshi bahs olib boradi.

Nyu-Yorkdagi muvaffaqiyatli chiqishi orqali dunyoning sobiq sakkizinchi raketkasi Kasper Ruud o'ziga kuchli 20 talikka qaytishni kafolatladi (o'tgan yilning fevral oyidan beri birinchi marta).