Medvedevning Madrid "Masters"dagi yurishi boshlandi

Rossiyalik tennischi to'g'ridan-to'g'ri ikkinchi davradan bahslarga qo'shildi va bu bosqichda reytingning 36-pog'onasidan joy olgan italiyalik Matteo Arnaldini uch set natijasiga ko'ra mag'lubiyatga uchratdi - 2/6, 6/4, 6/4. Tennischilarning o'zaro uchrashuvlaridagi hisob yiriklashdi - 3:0.

Ikki soatu uch daqiqa davom etgan bahsda Medvedev 3, Arnaldi 4 ta eys zarbasini amalga oshirgan. Qo'shxatolar shuning teskarisi bo'ldi - 4 ga 3, Daniil foydasiga. Ikkala tennischi ham 2 tadan breykka erishdi. Endi Medvedev uchinchi davrada Sebastyan Kordaga qarshi kortga chiqadi. Amerikalik tennischi ikkinchi bosqichda avstraliyalik Maks Pyorselldan ustun keldi - 6/3, 6/3.