22 sen 07:43
Yangiliklar

Futbol

Millatlar ligasi. SHotlandiya Ukrainani yirik hisobda mag'lub etdi

Evropa Millatlar ligasining 1-turidagi qoldirilgan SHotlandiya - Ukraina uchrashuvida mezbonlar zafar quchishdi.

Ukrainadagi siyosiy vaziyat tufayli mazkur uchrashuvga sanasi boshqa muddatga qoldirilgandi. "Xempden Park"da kechgan bahsning ikkinchi bo'limida o'yin masalasi hal bo'ldi. Makginning goli va Dayksning dubli shotlandlarga g'alaba taqdim etdi.

SHu tariqa, SHotlandiya o'z guruhida 9 ochko bilan peshqadamga aylandi. Ukraina esa 6 ochko bilan ikkinchi o'ringa tushib ketdi. SHuningdek, keyingi o'rinlarda Irlandiya (4 ochko) va Armaniston (3 ochko) bormoqda.

SHotlandiya – Ukraina 3:0 (0:0, 3:0)
Gollar: 1:0 – 70 Makginn, 2:0 – 80 Dayks, 3:0 – 87 Dayks.
SHotlandiya – Gordon, Patterson (Xiki, 26), Makkenna, Xendri, Tirni (Teylor, 86), Armstrong (Freyzer, 76), Makgregor, Makginn, Kristi (Maklin, 85), Maktomini, Adams (Dayks, 77).
Ukraina – Trubin, Karavaev, Matvienko, Bondar, Mixaylichenko, Yarmolenko (Cygankov, 68), Mudrik (Ignatenko, 84), Stepanenko (Sidorchuk, 46), Malinovskiy, Pixalenok (Zubkov, 83), Dovbik (Yaremchuk, 67).
Ogohlantirishlar: Stepanenko (18), Bondar (45), Yaremchuk (71), Sidorchuk (83), Malinovskiy (90).