MMA hamjamiyatining Islam Maxachev - Yen Gerri jangiga munosabati

Islam Maxachev yarim o'rta vazn toifasidagi UFC chempionlik kamarini Yen Machado Gerriga qarshi jangda himoya qildi. Ammo bu chempionlik jangi rossiyalik sportchi uchun oson kechmadi va buni jang sanati vakillari ham alohida takidlashdi.

Mett Braun: "Men allaqachon aytib kelganman, Yen — chempionlik darajasidagi jangchi. Ammo vaqt va raqib tanlash muhim ahamiyatga ega, shunday tuyulyaptiki, u hozir noto'g'ri joyda va noto'g'ri vaqtda qolib ketdi. Obektiv qaraydigan bo'lsak, Gerri tasirli jang o'tkazdi. U juda raqobatbardosh jang ko'rsatdi va bazi daqiqalarda u haqiqatan ham g'alaba qozonishi mumkindek tuyuldi. Bu, shubhasiz, Islamning kelgusi janglarini yanada qiziqarli qiladi. O'ylaymanki, Yen yana cho'qqiga chiqishga va kelajakda chempionlikni qo'lga kiritishga qodir".

Nolan King: "UFC butun jang davomida kamerani Karlos Pratesga qaratib turdi. Bundan o'zingiz xulosa chiqaring".

Brendan SHaub: "Islam bugun g'alaba qozondi, shubhasiz, lekin uzoq vaqtdan beri ilk bor oktagonda u oddiy insondek ko'rindi. Maykl Morales u uchun juda katta muammo bo'ladi. Yen Gerri agar bir bo'lak go'sht eganida, g'alaba qozongan bo'lardi".

Mayk Perri: "Yaxshi jang. Faqat oxirgi raundni kim olganini aytish qiyin".

Genri Sexudo: "Yakuniy raundda Islam o'z ustunligini isbotladi. Vazn toifasidan qati nazar, reytingning birinchi raqamli jangchisi yana g'alabaga erishdi".

Billi Kuarantillo: "Gerri bazida g'alati gaplarni gapiradi, lekin u haqiqiy jangchi".

Karlos Prates: "Navbat meniki!"