Monte-Karlo. Aslan Karacev 18 yoshli raqibiga mag'lub bo'lib, ilk davradanoq musobaqani tark etdi

Jahonning 30-raketkasi, rossiyalik Aslan Karacev turnirning ilk davrasida ATR reytingida 79-pog'onani egallab turgan daniyalik Xolger Runega 6/7, 6/4, 3/6 hisobida mag'lub bo'ldi va musobaqani tark etdi.

Uchrashuv 2 soatu 36 daqiqa davom etdi. Ushbu vaqt davomida 28 yoshli Karacev bitta eys qayd etib, to'pni o'yinga kiritishda besh marta xatoga yo'l qo'ydi va uchta breykdan unumli foydalandi. 18 yoshli Rune esa to'rt marta eys zarbasini amalga oshirib, to'rt bor qo'sh xatoga yo'l qo'ydi va to'rtta breyk qayd etdi. Sportchilarning o'zaro uchrashuvlarida hisob tenglashdi, 1:1.

Rolex Monte-Carlo Masters musobaqasining ikkinchi davrasida Rune norvegiyalik Kasper Ruud bilan to'qnash keladi.