MOQ boshqa mamlakatlar Olimpiya qo'mitalarini qo'llab-quvvatlaydi

Sir emaski, bu epidemiya hayotimizning deyarli barcha jabhalariga tasir ko'rsatdi, hususan sport sohasi va u bilan bog'liq barcha tadbirlar ham bekor qilindi yoki boshqa vaqtga ko'chirildi. SHu yil yozda Tokio-2020 Olimpiya o'yinlari o'tkazilishi lozim edi. Biroq olimlar “pandemiya” deb baholayotgan koronavirus Olimpiya o'yinlariga ham o'z tasirini ko'rsatdi.

SHu munosabat bilan Xalqaro Olimpiya qo'mitasi prezidenti Tomas Bax, Yaponiya hukumati va Tokio-2020 Olimpiya o'yinlari tashkiliy qo'mitasi Tokioda o'tajak XXXII yozgi Olimpiya o'yinlarini 2021 yilga ko'chirilgani haqida rasman elon qilishdi.

Ayni paytda butun dunyoda ancha og'ir vaziyat hukmron, barchamiz qiyin kunlarni boshdan kechirmoqdamiz. Bunday kunlarda har birimiz uchun qo'llab-quvvatlash, yordam berish va o'zaro tushunish juda muhim sanaladi. SHu kunlarda O'zbekiston Milliy olimpiya qo'mitasi o'zaro qo'llab-quvvatlash maqsadida, yaqin hamkorlikdagi Milliy olimpiya qo'mitalariga xat yubordi.

Takidlash joizki, qo'mitaning ichki faoliyati va boshqa davlatlar Olimpiya qo'mitalari bilan yaqin hamkorligi to'xtab qolgani yo'q. O'zbekiston MOQ xodimlari o'z vazifalarini bajargan holda, faoliyatlarini onlayn tizimda davom ettirib masofadan ishlamoqdalar.